Казахстаны Алматы хотод болж буй Азийн АШТ-ий чөлөөт бөхийн эрэгтэчүүдийн төрөлд өнгөрсөн жилийн УАШТ-ий мөнгөн медальт, спортын мастер Сармандахын Билгүүн 65 кг-ын жинд тавдугаар байрт оров. Тивийн аваргад анх удаа зодоглосон тэрбээр Алматыгийн дэвжээнд шөвгийн наймд Тажикстаны Жамшед Шарифовыг 4:0-ээр ялсан ч хагас шигшээд ДАШТ-ий нэг мөнгө, хошой хүрэл медальт, Азийн наадам болон Азийн аварга, Энэтхэгийн алдарт Бажранг Пунияд цэвэр ялагдсан. Тэгвэл дөнгөж сая хүрэл медалийн төлөөх барилдаанд БНСУ-ын Жон Ён Сеокт 4:4-өөр бүхэл онооны чанараар ялагдлаа.