Замын цагдаагийн газар, Мэргэжлийн хяналтын газар, Боловсролын газар, Тээврийн газартай хамтран ЕБС-ын “Сургуулийн автобус”-нд шалгалт хийж байгаа билээ.

Уг шалгалтыг 2016-2017 оны хичээлийн жилийг угтаж Ерөнхий боловсролын сургууль, цэцэрлэгийн хүүхдүүдийг аюулгүй тээвэрлэх, тээврийн хэрэгслийн техникийн бүрэн бүтэн байдлыг хангах, илэрсэн зөрчил дутагдлыг арилгуулан гарч болзошгүй осол хэргээс урьдчилан сэргийлэх, Монгол улсын “Сургуулийн автобусанд тавигдах MNS6444:2014 стандарт"-ыг хэрэгжүүлэх зорилгийн хүрээнд хийж байгаа аж.

Энэхүү шалгалтын хүрээнд 55 сургууль, 4 цэцэрлэгийн нийт 132 хүүхдийн автобусыг шалгах юм. Шалгалтын ажил ирэх даваа гарагт дуусна.