Нийслэлийн Засаг дарга бөгөөд Улаанбаатар хотын Захирагч С.Батболд “Цэргийн дүйцүүлэх албан хаагчдын гүнзгийрүүлэх шатны сургалт зохион байгуулах тухай” А/609 дүгээр захирамж гаргажээ. Захирамжийн дагуу  Цэргийн дүйцүүлэх алба хаагчдын гүйцэтгэх үүргийн мэдлэг, дадлагыг гүнзгийрүүлэх шатны сургалтыг 2016 оны есдүгээр сарын 21-нээс аравдугаар сарын 03-ны өдрүүдэд хувиарлан зохион байгуулах гэнэ.

Тухайлбал, нэгдүгээр хэсэгт,  Баянгол, Сонгинохайрхан, Чингэлтэй дүүрэг, хоёрдугаар хэсэгт,  Баянзүрх, Сүхбаатар, Хан-Уул дүүрэг, Гуравдугаар хэсэгт,  Налайх, Багануур, Багахангай дүүрэгт зохион байгуулах юм байна.

Харин сургалтын нэгдүгээр хэсгийг Баянгол дүүргийн Засаг даргын Тамгын газрын Цэргийн штабын дарга, хурандаа Л.Ганбаатар, хоёрдугаар хэсгийг Сүхбаатар дүүргийн Засаг даргын Тамгын газрын Цэргийн штабын дарга, хурандаа Л.Батаа, гуравдугаар хэсгийг Налайх дүүргийн Засаг даргын Тамгын газрын Цэргийн штабын дарга, дэд хурандаа В.Батболд нар тус тус хариуцан ажиллах юм.