1970-аад оны үед шүтэн бишрэгчиддээ уурласан рок од зочид буудлын цонхоор зурагтаа шидэж байжээ. Харин 21 дүгээр зуун гарсан энэ үед Канадын залуу од, дуучин Жастин Бибер яг түүнтэй ижил үйлдэл гаргаж, 77 сая дагагчтай инстаграмм хуудсаа устгаж орхисон байна. 

Инстаграмм сүлжээний идэвхтэй хэрэглэгч болох дуучин залуу ийнхүү хаах болсон нь түүний шинэхэн найз бүсгүйтэй холбоотой гэнэ.  Тэрбээр саяхнаас дуучин Лионель Ричигийн охин загвар өмсөгч 17 настай София Ричитэй болзож эхэлсэн бөгөөд шүтэн бишрэгчдийнх нь сонжсон харц найз бүсгүйг нь тойроогүй гэдэг.

Түүний шүтэн бишрэгчид цахим ертөнцөөр  шинэ найз бүсгүйг нь элдвээр муулж, доромжилж эхэлсэн нь Жастинд таалагдаагүй бололтой. Тэрбээр өмнө нь найз охиных нь талаар сөрөг зүйл бичсээр байвал инстаграммаа хувийн болгож өөрчилнө хэмээн шүтэн бишрэгчдээ сүрдүүлж байсан удаатай. Гэвч байдал түүний хүссэнээр болоогүй тул ийнхүү тус хуудсаа хаажээ.