Аваргуудын лигийн С хэсгийн хоёр тоглолт өнгөрсөн шөнө боллоо. Энэ хэсгийг толгойлж байгаа Английн “Челси” клуб талбайдаа энэ тэмцээнд анх удаа оролцож буй “Карабах” багийг хүлээж авч, 6:0-ээр бутниргэлээ. Ингэснээр гурван оноотой болж, хэсгээ тэргүүлж эхэллээ.

Тоглолтын 5 дахь минутад Педро тооны харьцааг нээсэн бол 30 дахь минутад Заппакоста гайхалтай нэгэн гоол оруулжээ. Улмаар Аспиликуэта 55 дахь минутад гоолдож, Бакайоко 71 дэх минутад “Челси”-гийн төлөөх дебют гоол оруулсан. Тэгвэл Батшуайи 76, 82 дахь минутад хоёрыг нэмж, дубль хийжээ.

Энэ хэсэгт багтсан Италийн “Рома” клуб талбайдаа Испанийн “Атлетико Мадрид”-ыг хүлээж авч, хуурай тэнцлээ. Ингэснээр хоёр баг оноо хувааж байгаа юм.