Хүүхэлдэйн театрын уран бүтээлчид Сүхбаатар аймгийн Боловсрол соёл, урлагийн газарт ажиллаж, багш нартай уулзалт хийж байна. Тэд урлагийн ажилтны баярыг тохиолдуулан нийгмийн сайн санааны үйл ажиллагаануудаа эхлүүлэхээр болоод байгаа аж.

Хүүхэлдэйн театрын уран бүтээлчид цаашлаад Хэнтий аймаг болон Багануур дүүрэгт ажиллах гэнэ. Мөн Хүүхэлдэйн театрын засварын ажил ирэх сард дуусах бөгөөд тоглолтуудаа ирэх аравдугаар сарын 06-наас тоглож эхлэх ажээ. 

Дашрамд дурьдахад, тус хамт олон ирэх аравдугаар сарын 15-16-нд Хөх хотод урилгаар очиж, хүүхэд багачууддаа тоглолтоо толилуулах юм байна.