Францын Лиг-1-ийн 5 дугаар тойргийн эхний тоглолтууд өнгөрсөн шөнө боллоо. Энэ тойрогт “ПСЖ” клуб “Метц”-ийн талбайд зочилж, өрсөлдөгчөө 1:5-аар буулгаж авлаа. Ингэснээр 15 оноотой болж, 100 хувийн амжилтаа үргэлжлүүлж байна. Мөн “ПСЖ” 5 тойрогт 19 гоол оруулсан гайхалтай амжилтыг үзүүлж байгаа билээ.

Тоглолтын 31, 75 дахь минутад Кавани хоёрыг оруулснаар 5 тойрогт 7 гоол хийж, мэргэн буучийн жагсаалтыг Фалькаогийн хамт тэргүүлж байна. Тэгвэл 59 дэх минутад Мбаппе нэгийг нэмсэн бол Неймар 69 дэх минутад улирлын 4 дэх гоолоо оруулжээ. Улмаар Лукас Моура 87 дахь минутад гүйцээжээ. Талбайн эздээс 37 дахь минутад Ривьер нэр төрийн ганц гоол оруулсан байна.