Бүгд найрамдах Тува улсын Кызыл хотноо Олон улсын Хөөмийн наадам зохион байгуулагджээ. Тус наадамд нийт  19 улсын 100 гаруй уран бүтээлчид 32 хамтлаг оролцсон байна. Харин Монгол Улсыг төлөөлж Ховд аймгаас найм, Улаанбаатар хотоос хоёр 10 хөөмийч амжилттай оролцжээ.

Үндэсний хамтлагийн төрөлд Ховд аймгийн ХДТ-ын Жангар хамтлаг Э.Ууганбилэгийн найруулга “Зэлмэ” бүтээлээр II  байр эзэлсэн бол уламжлалт гоцлол хөөмийн төрөлд Ховд аймгийн Чандмань сумын харьяат МУСТА Ч.Баатарсүрэн Монгол ардын бэсрэг дуу “Цомбон туурайтай хүрэн” дуугаар исэргээ хөөмийн төрөлд III байр эзэлсэн байна. Мөн Чандмань сумын хөөмийч Б.Алтаншагай Өсвөр насны ангилалд Хүрэлбаатарын найруулга “Хос эгшиг” бүтээлээр I байр  эзэлж, эх орныхоо нэрийг гаргасан байна.