Тайванийн Тайпей хотноо Зуны универсиад наадмын жүдо бөхийн тэмцээн болж байгаа билээ. Өнөөдөр эрэгтэй 66, 73, эмэгтэй 52, 57 кг-ын барилдаан болж байгаа юм. Эдгээр жингүүдэд манайхаас дөрвөн бөх барилдсанаас 66-д хүч үзсэн Б.Эрхэмбаяр хагас шигшээд шалгараад байна.

Манай бөх D хэсэгт багтаж, эхний тойрогтоо хийлсэн. Харин хоёрдугаар тойрогт Макаогийн бөх Леон Ка Инийг ялсан бол гуравдугаар тойрогт Хорватын Марко Драсковичийг буулгаж авсан. Улмаар хэсгийн аваргын төлөө Недерландын Ван Хартеныг буулгаж авчээ. Тэгвэл хагас шигшээд Казахстаны бөх Гумар Киргизбайевтай барилдана.

Бусад бөхчүүдийн хувьд 52 кг-д барилдсан Г.Ганцэцэг торгуулын тойрогт барилдаж байгаа юм. Манай Францын Лаураг ялж чадвал медалийн төлөө барилдахад нэг алхам ойртоно.