2017-2018 оны хичээлийн шинэ жил эхэлж буйтай холбогдуулан оюутан, сурагчдын автобусаар зорчих картыг шинээр олгох, сунгах талаар  Нийслэлийн боловсролын газар, Нийслэлийн Хөдөлмөр Эрхлэлтийн газар, "Улаанбаатар смарт карт" ХХК-иас мэдээлэл хийлээ.

Энэ хичээлийн жилд шинээр их, дээд сургуульд орж байгаа оюутнуудад цахим төлбөрийн картыг анх удаа олгох бөгөөд энэ сарын 21-25-нд оюутнууд өөрийн сургуульдаа цахим төлбөрийн карт авах мэдүүлгээ бөглөх аж.

Их, дээд сургуулиуд оюутнуудынхаа мэдээллийг нэгтгэн, Нийслэлийн боловсролын газарт хүргүүлнэ. Тус газарт 28-30-ны хооронд идэвхжүүлээд, сургуулиудад нь хүргэнэ. Харин их, сургуулиуд есдүгээр сарын 1-5-нд автобусаар зорчих картыг нь оюутнууддаа олгох юм байна.