ФИФА буюу Олон улсын Хөлбөмбөгийн холбооноос 2017 оны шилдгийн төлөө өрсөлдөх 24 хөлбөмбөгчний нэрийг зарлалаа. Месси, Роналдо, Ибра, Рамос, Буффон, Неймар тэргүүтэй шилдэг тамирчид энэ удаагийн оны шилдэгт өрсөлдөх аж.

Испанийн “Реал Мадрид” клубээс нийтдээ 7 тамирчин оны шилдэгт өрсөлдөж байна. Харин “Барселона”-гаас 4, “Атлетико”-гоос нэг хөлбөмбөгч шилдгийн төлөө өрсөлдөх аж. Үндсэндээ шилдэг хөлбөмбөгчний төлөө өрсөлдөх 24 тамирчины 12 нь Испанийн лигийнх байгаа юм. Өнгөрсөн улиралд Аваргуудын лигийн финалд үлдсэн “Ювентус” багаас гурван тамирчин л шилдгийн төлөө өрсөлдөхөөр болж.

Англиас Эдин Азар, Харри Кейн, Санчес, Ибра, Канте гэсэн 5 тамирчин өрсөлдөх аж.  Харин үлдсэн дөрвөн тамирчин нь Германаас өрсөлдөнө.

Шилдгийн төлөө өрсөлдөх тамирчид

Хаалгач: Жанлуижи Буффон (Итали, “Ювентус”), Мануэль Нойер (Герман, “Байерн”), Кейлор Навас (Коста-Рика, “Реал”).

Хамгаалагч: Леонардо Бонуччи (Итали, “Ювентус” «Милан»), Серхио Рамос (Испани, “Реал”), Даниэль Карвахаль (Испани, “Реал”), Марсело (Бразил, “Реал”).

Хагас хамгаалагч: Нголо Канте (Франц, “Челси»), Андрес Иньеста (Испани, “Барселона”), Артуро Видаль (Чили, “Байерн”), Лука Модрич (Хорват, “Реал”), Тони Кроос (Герман, “Реал”).

Довтлогч: Эден Азар (Бельги, “Челси”), Алексис Санчес (Чили, “Арсенал”), Харри Кейн (Англи, “Тоттенхэм”), Пьер-Эмерик Обамеянг (Габон, “Боруссия Дортмунд”), Криштиано Роналдо (Португал, “Реал”), Пауло Дибала (Аргентин, “Ювентус”), Антуан Гризманн (Франц, “Атлетико”), Златан Ибрагимович (Швед, “Манчестер Юнайтед”), Роберт Левандовски (Польш, “Байерн”), Луис Суарес (Уругвай, “Барселона”), Лионель Месси (Аргентин, “Барселона”), Неймар (Бразил, “Барселона”/”ПСЖ” рүү явсан).