Замын хөдөлгөөний түгжрэл, ачааллыг  бууруулах зорилгоор автомашины улсын дугаараар хязгаарлалт хийдэг билээ. Хичээлийн шинэ жил эхлэх гэж буйтай холбогдуулан  Нийслэлийн Засаг дарга бөгөөд Улаанбаатар хотын Захирагч С.Батболд захирамж гаргаж, замын хөдөлгөөний түгжрэл, ачааллыг бууруулах зорилгоор зарим арга хэмжээг авч хэрэгжүүлэхийг байгууллага, албан тушаалтнуудад даалгажээ.

 Тодруулбал, хичээлийн шинэ жил эхлэхийн өмнөх амралтын өдрүүдэд автомашиныг улсын дугаарын тэгш, сондгойгоор ангилж, замын хөдөлгөөнд оролцуулах гэнэ.

Автомашины улсын дугаарын сүүлчийн орон нь тэгш тоогоор төгссөн бол наймдугаар сарын 19, 26-нд, сондгой тоогоор төгссөн автомашин наймдугаар сарын 20, 27-ны 08:00-20:00 цагийн хооронд зуны хязгаарлалтын бүсэд замын хөдөлгөөнд оролцохоор шийдвэрлэжээ.