Английн алдарт “Ливерпүүл” клуб өнөө шөнө Аваргуудын лигийн урьдчилсан шатны хүрээнд Германы “Хоффенхайм”-ын талбайд зочлон тоглох учиртай. Хоёр баг европын тавцанд анх удаагаа учраа таарч байгаа нь энэ юм.

Тэгвэл энэхүү тоглолтод “Ливерпүүл” клубын шилдэг хагас хамгаалагч Коутиньо багтсангүй. Тэрбээр нурууны бэртэлтэй хэмээн премьер лигийн эхний тоглолтыг өнжсөн билээ. Нөгөө талаа “Барса” руу явах асуудал нэлээд газар авсан. Уг нь Клопп түүнийг хамгийн чухал тоглолт болох Аваргуудын лигийн урьдчилсан шатны “тулаан”-д ашиглахыг хүсч байсан ч санасанаар болоогүй бололтой.

Түүнийг одоогоор бэртэлтэй хэмээн мэдээлж  байна. Гэхдээ цаанаа чухам юу өрнөж байгааг одоохондоо хэвлэлүүд мэдээлэхгүй байна.