Италийн "Милан" клубын удирдлагууд "Челси"-гийн довтлогч Диего Костаг авахаар хэлэлцээр хийж байгаа ажээ. Тус багийн ерөнхий захирал Марко Фассоне, спортын захирал Массимилиано Мирабелли нар хөлбөмбөгчнийг багтаа нэгтгэхийн тулд түүний агент Хорхе Мендестэй хамтарч ажиллаж байгаа юм байна.

Мөн Лондоны багийн төлөөлөлтэй ч хамтарч ажиллаж буй аж.  Костагийн хувьд хуучин баг "Атлетико Мадрид" руу буцаж, замналаа үргэлжлүүлэхийг хүсч байгаа юм. Гэхдээ "Челси" түүнийг "Атлетико"-д биш "Милан"-д зарахыг илүүд үзэж байгаа ажээ.