Сонгинохайрхан дүүргийн Х хороо, Баянхошууны тойрог орчимд энэ сарын 16-нд гарсан билээ. Тодруулбал,  40 тоннын чингэлэг ачсан хурдтай явсаны улмаас хажууд нь зогсож байсан суудлын автомашин дээр унаж, улмаар дотор нь сууж явсан гэр бүлийн таван хүн даруулсан харамсалтай хэрэг гарсан. 

Тухайн үед хохирогч Д.Мөнхбаатар өөрт нь болон гэр бүлийнхэнд нь анхан шатны тусламж үзүүлэн амийг нь аварсан залууг олж, уулзан талархалаа илэрхийлэхийг хүсч буй тухайгаа хэлж байсан юм. 

Тэгвэл Д.Мөнхбаатарын гэр бүл амийг нь аварсан залууг олж уулзсан байна. Тэдэнд анхны тусламж үзүүлсэн Б.Түмэнбаяр гэдэг бөгөөд  Яаралтай тусламжийн төв 103-т эмчээр ажилладаг гэнэ. Тэрбээр осол гарсан өдөр ээлжнээсээ бууж яваад чингэлэгт даруулсан эмэгтэйг долоон сартай сартай нярайн хамт гаргажээ. Мөн  долоо болон 15 настай хүүхдүүд амьсгал зүрх судасны дутагдалд орж ээлж дараалан ухаан алдахад  хиймэл амьсгаа, цээж шахалт хийж сэхээн амьдруулсаар түргэн тусламжийн машин ирсэн даруйд шаардлагатай тариануудыг хийж, хүчил төрөгч залгаж амжсан байна.