Монгол Улсын хэмжээнд 21 түймэр асч, Онцгой байдлын алба хаагчид шуурхай ажиллан 13 түймрийг цурманд оруулж, хоёр түймрийг бүрэн унтраагаад байгаа билээ. Түймэр гарсантай холбогдуулан ард иргэд Онцгой байдлын газарт сэтгэлийн хандив өгсөөр байгаа юм. Тэгвэл энэ сарын 20-ний өдрийн 18:00 цагийн байдлаар Онцгой байдлын ерөнхий газрын хандивын дансанд 595 төрийн болон төрийн бус байгууллага, аж ахуйн нэгж, иргэд нийт 580,461,636 төгрөгийн мөнгөн хандив цугларчээ.  Мөн иргэд, аж ахуйн нэгжүүд хоол хүнс, эд материалын тусламжийг үзүүлсээр байна.