АНУ-ын Чикаго хот дахь Монголчууд ОБЕГ-т 5200 ам.доллар хандивлав
Ойн түймэрт ажиллаж байгаа алба хаагчдад хүргэх, Онцгой байдлын албанд дэмжлэг үзүүлэх зорилгоор төрийн болон төрийн бус байгууллага, иргэд, аж ахуйн нэгж байгууллагуудын хандивлаж буй эд материалын болон мөнгөн хандив тасралтгүй ирсээр байна. Тухайлбал, АНУ-ын Чикаго хотод ажиллаж, амьдарч байгаа 110 гаруй хувь хүн, аж ахуйн нэгж байгууллагууд хамтран хандивын аян өрнүүлж, 5200 ам.доллар цуглуулснаа өнөөдөр илгээлээ.
Тус хандивыг Онцгой байдлын ерөнхий газрын удирдлагад сэтгүүлч, яруу найрагч Р.Эмүжин, “Сайн уу, Сайнаа” ток шоуны хөтлөгч, сэтгүүлч Б.Сайнбаяр нар гардуулан өгсөн юм.
Мөн Орхон аймагт үйл ажиллагаа явуулдаг зэс үйлдвэрлэгч “Ачит-Ихт” ХХК-ийн зүгээс 10 төгрөгийн хандив өгсөн бол Өвөрмонголчуудын “Би Монгол хүн” холбооноос өрнүүлсэн хандивын аяны хүрээнд цугларсан 1 599 999 төгрөгийг ӨМӨЗО-ны иргэн Д.Баянжаргал, “Нүүдэлчин сэрэхүй” ТББ-ын гишүүн Н.Бишгарам нар хүлээлгэн өглөө. Түүнчлэн Капитрон банк 7000 000, Улаанбаатар хотод ажиллаж амьдарч байгаа Казак залуусын фэйсбүүк группынхэн 250 000 төгрөг хандивлалаа гэж Онцгой байдлын ерөнхий газраас мэдээллээ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
