NBA-ын зуны лигийн аваргын төлөө өрсөлдөх хоёр баг тодорсон байна. Эхний хоёр тоглолтодоо ялагдал хүлээснээс хойш ялагдал гээчийг амсаагүй байгаа Лос Анжелес Лейкэрс өнөөдөр Даллас Мавирекс багтай тоглолоо.

Тоглолтын эхний үеэс л Лейкэрс тэргүүлж эхэлсэн бөгөөд эхний хагас дуусахад 18 онооны зөрүүг үүсгэж чаджээ. Харин сүүлийн хагаст Даллас оноог зөрүүг нэг болгож ойртуулж чадсан ч илүү гарч чадалгүй 108-98 харьцаагаар ялагдал хүлээжээ. Харин Лейкэрс зуны лигийн аваргын төлөөх Портлэнд Трэйл Блэйзэрс багтай тоглохоор шалгарч үлдлээ.

Тус тоглолтод Кузма 24 оноогоор багаа тэргүүлсэн бол Лонзо Болл 16 оноо, 10 дамжуулалт, 4 самбараас бөмбөг авчээ. Харин эсрэг багаас Смит ЖР 21 оноог авлаа.