Баяр наадмын буюу энэ сарын 10-15-ны өдрүүдэд Замын цагдаагийн албаны ЖШУХ-т нийт 1236 дуудлага, мэдээ иржээ.

Үүнээс зам тээврийн ослын 790 дуудлага бүртгэгдсэн бөгөөд осол, хэргийн улмаас хоёр хүний амь нас хохирч, 70 хүн гэмтсэн байна. Мөн бага насны 18 хүүхэд зам тээврийн ослын улмаас гэмтэж, бэртсэн аж.

Тухайлбал, Баянзүрх дүүргийн Хонхорын шинэ замд осол гарч, 32 настай Б-н амь нас хохирсон хэрэг гарчээ. Мөн Баянгол дүүргийн нутаг Телевизийн эцэс рүү нийлдэг даланд амины T.Prius маркийн автомашины жолооч Ч нь далан руу унаж жолооч, зорчигч нарын хоёр хүн гэмтсэн байна.