Үндэсний их баяр наадам болж буйтай холбогдуулан бага насны хүүхдүүд эцэг, эхээсээ төөрөх тохиолдол гардаг билээ. Уг асуудлын хүрээнд Цагдаагийн газрын алба хаагчид шуурхай арга хэмжээ авч ажиллаж байна. Тухайлбал, энэ сарын 10, 11-нд гэхэд Хүй долоон худагт найман хүүхэд, Төв цэнгэлдэх хүрээнд 24 хүүхэд, Сүхбаатарын талбайд зохион байгуулагдсан “Улаанбаатарын үдэш” цэнгүүний үеэр 34, нийт бага насны 66 хүүхэд төөрснийг бүртгэж эцэг, эх, асран хамгаалагчид нь хүлээлгэж өгчээ.

Тиймээс эцэг, эх, асран хамгаалагчид нийтийг хамарсан арга хэмжээний үеэр бага насны хүүхдийг төөрөх, болзошгүй осол, гэмтлээс урьдчилан сэргийлж, хүүхдэд тавих хараа хяналтаа сайжруулна уу. Хүүхэд төөрсөн, төөрсөн хүүхэд олсон тохиолдолд 102 тусгай дугаарын утсанд холбогдохыг зөвлөж байна.