Ардын хувьсгалын 96 жилийн ойн  баяр наадамд газар газрын хурдан шандас 307 их насны морьд бүртгүүлж, 261 нь уралдахаар гарааны зурхай руу хөдөлсөн юм.

Тэргүүн байрт Төв аймгийн унаган морь, Өвөрхангай аймгийн Уянга сумын уяач Ч.Бямбасүрэнгийн уясан, "Ар голд" ХХК-ийн захирал Ч.Бямбасүрэнгийн хар саран зүстэй адуу түрүүллээ.

Аман хүзүүнд Төв аймгийн Н.Мөнхзоригийн хул давхар, айргийн гуравт н.Лхагвасүрэнгийн буурал зуузай, айргийн дөрөвдүгээрт Дархан-Уул аймгийн Хонгор сумын харьяат Д.Тамирхүүгийн хүрэн халзан, айргийн тавдугаарт Төв аймгийн Баянцагаан сумын уяач А.Ууганбаярын зээрд морь хурдаллаа.