Монгол Улсын Ерөнхийлөгчийн ээлжит сонгуулийн дахин санал хураалтыг орон даяар энэ сарын 7-нд явуулахаар болсон. Энэ дагуу маргааш СЕХ-ноос зөөврийн битүүмжилсэн хайрцгаар өгөх саналыг маргааш авна. Сонгуулийн тухай хуулийн дагуу, эрүүл мэндийн байдлын улмаас санал авах байранд өөрийн биеэр хүрэлцэн ирж чадахгүй болон захиргааны зөрчлийн улмаас баривчлагдсан, албадан саатуулагдсан, таслан сэргийлэх арга хэмжээ авсан, цагдан хоригдсон, Дайчилгааны тухай хуулиар нийтийн дайчилгаанд хамрагдсан иргэд ийнхүү зөөврийн битүүмжилсэн хайрцгаар саналаа өгөх эрхтэй юм.

Харин гадаадад байгаа иргэд саналаа өчигдрөөс эхэлж өгсөн бөгөөд санал авах хугацаа өнөөдөр 22 цагт дуусна.