“Хууль хүчний байгууллага эрх баригчдад үйлчилж байна” гэж УИХ-ын гишүүн Ж.Батзандан мэдэгдлээ. Тодруулбал, төрийн байгууллагын албан хаагчдыг зугаалгад явуулах нэрээр хөдөө авч явж байна.

Ийм маягаар зугаалгад явж байсан  автобус осолдож, олон эмч гэмтэж, өнөөдөр гэмтлийн эмнэлэгт хэвтэж буй аж. Мөн АН-ын сонгуулийн сурталчилгаанд явсан ухуулагч нарыг зарим хөдөө, орон нутагт баривчлаад эхэлжээ. Улмаар АН-аас нэр дэвшигч Х.Баттулгын сурталчилгаанд явахгүй байхыг тулган шаардаж гэнэ.

Энэ мэтээр эрх баригчдын хууль зөрчсөн үйлдлийг цагдаагийн байгууллага харин хамгаалж буй аж. Тиймээс Сонгуулийн ерөнхий хороо, цагдаагийн байгууллага, эрх баригчид хууль зөрчиж, увайгүй аашлахаа таслан зогсоохыг Ж.Батзандан гишүүн хүсч байна.