Шатахуун тээвэрлэгч “FAW” цистерн дэлбэрсний улмаас хоёр хүнд бэртэж, нэг нь амь насаа алдсан ноцтой хэрэг гарчээ. Тодруулбал,  Сонгинохайрхан дүүргийн XX хорооны нутаг дэвсгэр Толгойт орчимд байрлах “Нефть хангамж” компанийн хашаанд 19:00 цагийн орчимд дэлбэрэлт болсон юм байна.

Нас барсан 39 настай иргэн Г нь “Нефть хангамж”-ийн гагнуурчин бөгөөд тухайн өдөр 34 настай Б-гийн хамтаар шатахуун тээвэрлэгч машины ёмкостны тагны боолтыг тасдагчаар тасдаж байгаад дэлбэрэлтэд өртсөн аж.  Шатахуун тээвэрлэгч хоосон байсан ч тасдагчаас үсэрсэн цог халуунд ууршсан шатахууны ууртай урвалд орж, дэлбэрэлт үүссэн байж болзошгүй гэнэ.  Энэхүү хэргийг Сонгинохайрхан дүүргийн Цагдаагийн I хэлтэст шалгаж байна.