Сүүлийн үед иргэд могойд хатгуулах нь ихэссэн талаар холбогдох байгууллагаас анхааруулж байна. Тэр дундаа 0-15 насны хүүхдүүд могойд хазуулах тохиолдол ихэсчээ. 

Тухайлбал, 2017 оны нэгдүгээр сарын 1-нээс зургаадугаар сарын 21-ний байдлаар могойд хатгуулсан  таван тохиолдол бүртгэгджээ. Энэ нь өнгөрсөн оны мөн үетэй харьцуулахад хоёр дахин илүү байгаа аж. Mанай улсад  дөрвөн овог, долоон төрөлд хамаарагдах есөн төрлийн могой байдаг аж.

Есөн зүйлийн могойноос дөрвөн зүйл нь хортой. Үлдсэн таван төрөл нь хоргүй гэнэ. Амьсгал боогдуулж мэдрэл гэмтээдэг хортой могой байхад цусны улаан бөөмийг задалж үхэлд хүргэх хортой нь  байдаг аж. Тиймээс могойд хатгуулсан үед авах шаардлагатай арга хэмжээний талаар дэлгэрэнгүй хүргэе.