Өнгөрсөн лхагва гарагт хүчтэй салхи шуурч, бороо борсон билээ. Харин хөдөө орон нутагт хүчтэй шороон шуурга шуурч, мөндөр бороо орсон байна. Үүний улмаас хэд хэдэн аймгийн сумд гэрэл, цахилгаангүй болоод байгаа юм. Тэгвэл Архангай аймгийн Цэцэрлэг, Жаргалант, Эрдэнэмандал сумдад хүчтэй салхи, шуурга дэгдэж, их хэмжээний аадар бороо орсон байна. Хүчтэй борооны үеэр гэрэл цахилгаан тасрахаас гадна айлын гэр нурж, цөөнгүй мал хорогдсон тохиолдол ч гарчээ.

Тодруулбал, тус аймгийн Жаргалант суманд үер бууж, Цэцэрлэг суманд хүчтэй салхины улмаас зургаан айлын гэр, Эрдэнэмандал суманд гурван айлын гэр, нийт есөн гэр нурж унасан аж.

Одоогийн байдлаар тус сумдын онцгой комисс болон ЗДТГ-ын ажилчид газар дээр нь ажиллаж байгаа юм байна.