Япон улсын их, дээд сургуульд 22 залуу боловсон хүчин энэ жил үнэ төлбөргүй суралцахаар боллоо. 2017-2024 он хүртэлх хугацаанд Монгол залуусыг Японд суралцуулах зардал болох 307 сая иен буюу 20 гаруй тэрбум төгрөгийг Японы тал хариуцах юм.

Санхүүжилтийн ноот бичигт Сангийн сайд Б.Чойжилсүрэн, Япон улсаас Монгол улсад суугаа элчин сайд Масато Такаока нар гарын үсэг зуржээ.  "Хүний нөөцийг хөгжүүлэх тэтгэлэгт хөтөлбөр" 11 дэх жилдээ хэрэгжиж байна. Энэ жилийн, энэ удаагийн онцлог нь хувийн хэвшилд ажиллаж байгаа залуусыг хамруулахаар болсон явдал юм. Өмнө нь зөвхөн төрийн албан хаагчид хамрагддаг байжээ.