Сүүлийн өдрүүдэд ихэнх нутгаар хэт халж байгаа билээ. Үүнтэй холбогдуулан Эрүүл мэндийн яамнаас иргэдийг наршихаас өөрийгөө хамгаалахыг анхаарууллаа. Тодруулбал, +30 градусаас дээш халж байгаа тул наршилтаас өөрийгөө хамгаалах, зүрх судасны өвчтэй хүмүүс урьдчилан сэргийлэх арга хэмжээ авч байхыг санууллаа.

 Мөн бага насны хүүхэд болон ахмад настангууд нарших, нарны хордлого биеэр туурах, ухаан алдах, даралт ихсэх зэрэг тохиолдлд гарч байгаа ажээ.

Тиймээс хэт халуун өдөр өндөр настан болон бага насны хүүхэд онцын шаардлагагүй тохиолдолд гэрээсээ гарахгүй байх, даралт ихтэй зүрх судасны өвчтэй хүн тогтмол эмээ уух, нарны малгай өмсөх, шүхэр хэрэглэх, нарны шил зүүх, шингэн ус сайн уух, алчуур болон малгайгаа хүйтэн усаар норгож хэрэглэх, хурц нартай үед удаан хугацаагаар алхахгүй байхыг зөвлөж байна.