Өмнөд Америкийн Венесуэл улсын Ерөнхийлөгч Николас Мадуро цагдаагийн нисдэг тэрэг дээд шүүхийн барилгын дээвэр рүү гар хийцийн хоёр тэсрэх бөмбөг шидсэн тухай өчигдөр мэдээлжээ.

Тэрбээр энэ хэргийг “Террорист халдлага” хэмээн үзэж буй бөгөөд армийн гишүүдтэй уулзалт хийсэн байна.

Ерөнхийлөгч Мадуро нийслэл Каракас дахь Ерөнхийлөгчийн Тамгын газрын байр Мирафлорес ордонд армийнхантай уулзалт хийсэн бөгөөд энэ үеэр “Энх тайвныг сахиулахын төлөө бүх цэргийн алба хаагчид хамтран ажиллах хэрэгтэй. Хэдий оройтсон ч, нисдэг тэрэг болон тэрхүү террорист халдлагын цаад эзнийг олох ёстой” гэж хэлжээ.