Турк улсын Истанбул хотын хөрөнгө оруулалтаар гемодиализийн төв болон өрхийн эрүүл мэндийн төвийн 10 барилгыг барихаар болжээ. Энэхүү ажлын эхлэл болгож Сүхбаатар дүүргийн 17 дугаар хорооны “Увидаст од”, Чингэлтэй дүүргийн 17 дугаар хорооны “Мөнх үйлстэн” өрхийн эрүүл мэндийн төвийн барилгын шав тавих ёслолын ажиллагаа болов. Өрхийн эрүүл мэндийн төвийн барилгыг “Тика” олон улсын байгууллага барих гэнэ. Мөн Шинээр баригдах 10 өрхийн эрүүл мэндийн төвийг Сонгинохайрхан дүүрэгт гурав, Сүхбаатар дүүрэгт хоёр, Хан-уул, Чингэлтэй, Баянзүрх, Налайх, Багануур дүүрэгт тус бүр нэгийг барихаар төлөвлөжээ.