Хорооллын эцсийн замыг энэ сарын 21-нд хаахаар болжээ. Тодруулбал, Нийслэлийн Замын сангийн хөрөнгөөр хэрэгжүүлж буй  Хорооллын эцсээс Гэмтлийн эмнэлгийн уулзвар хүртэлх нэг км авто замын шинэчлэлтийн ажлын хүрээнд  тус замын урд талын эгнээ буюу баруунаас зүүн тийш зорчих тээврийн хэрэгслийн хөдөлгөөнийг энэ сарын  21-ний 23:00 цагаас эхлэн 25-ны 23:00 цаг хүртэл түр хязгаарлахаар болсон байна.

Замыг түр хааснаар авто замын зорчих хэсгийн хучилтын ажлыг гүйцэтгэх гэнэ. Энэ хугацаанд тээврийн хэрэгсэл авто замын хойд талын эгнээгээр сөрөг хөдөлгөөнтэй зорчих юм байна.

Уг замын урсгал тус бүр нь гурван эгнээтэй нийт 18 метр өргөн болох аж. Замын ажлын гүйцэтгэгчээр “Наранбулаг Хан” ХХК ажиллаж байгаа бөгөөд 2017 оны есдүгээр сарын 10-нд хүлээлгэн өгөх юм байна.