Хөгжлийн банкны санхүүжилтээр Орбитын замыг засварлаж байгаа билээ. Тодруулбал, Орбитын уулзвараас Толгойтын эцэс, Үйлдвэрчний  эвлэлийн гудамж хүртэлх 3.6 км авто замын өргөтгөл шинэчлэлтийн ажлыг хийж буй. Тэгвэл уг ажлын хүрээнд Далангаас Бага наран хүртэлх 1.7 км авто замын зорчих хөдөлгөөнийг хязгаарлаж, суурь болон өнгөн хэсгийн  асфальтбетон хучилт хийж байгаа ажээ. Замын ажил энэ сарын 10-нд эхэлсэн бөгөөд энэ сарын 21-нд дуусах гэнэ. Харин

Орбитын уулзвараас Толгойтын эцэс, Үйлдвэрчний  эвлэлийн гудамж хүртэлх нийт замын хучилтын ажил энэ сарын 30-нд  дуусч, зорчих хэсгийг нээхээр болжээ. Энэхүү автозам нь 23 метрийн өргөн, зорчих хэсгийн өргөн нь 14м, хоёр талдаа гурав гурван метр өргөн явган хүний замтай, борооны усны хаялага, 42 урт метр, 38 урт метр хоёр том гүүр, гэрэлтүүлэгтэй байх гэнэ. Замын ажлыг “Тотал инж” компани гүйцэтгэж байгаа аж.