Төр нийгмийн нэрт зүтгэлтэн С.Зоригийн амь насыг хөнөөсөн хэргээр Б.Содномдаржаа, Ц.Амгаланбаатар, Т.Чимгээ нар анхан болон давж заалдах шатны шүүхээс ял авсан. Тэд болон ар гэрийнхэн нь энэ асуудлаар Улсын дээд шүүхэд хандсан бөгөөд энэ сарын 16-ны өдөр буюу баасан гарагт гомдлыг хянан хэлэлцэхээр болжээ. Тодруулбал, Эрүүгийн хэргийн анхан шатны шүүхийн өнгөрсөн оны 12 дугаар сарын 27-ны өдрийн гуравдугаар шийтгэх тогтоол, Нийслэлийн Эрүүгийн хэргийн давж заалдах шатны шүүхийн энэ оны гуравдугаар сраын 14-ний өдрийн 171 дүгээр магадлалтай аж.

Б.Содномдаржаа, түүний өмгөөлөгч Л.Мөнхтөр, шүүгдэгч Ц.Амгаланбаатар, түүний өмгөөлөгч Д.Дашдорж, шүүгдэгч Т.Чимгээ, түүний өмгөөлөгч С.Оюунцэцэг, хохирогчийн хууль ёсны төлөөлөгч С.Оюуны өмгөөлөгч Л.Энхсайхан нарын гаргасан гомдлыг үндэслэн хянан хэлэлцэх юм.