Урин дулаан цаг ирсэнтэй холбогдуулан иргэд гэр бүл, найз нөхдөөрөө хөдөө аялал зугаалганд явдаг. Тэгвэл хачигт энцафелит өвчнийг дамжуулагч ойн хачгийн идэвхжил ихсэж байгаа талаар Нийслэлийн Эрүүл мэндийн газраас анхаарууллаа.  Үүнтэй холбогдуулан  ой модонд ажил эрхлэх, зугаалах, жимс, эмийн ургамал түүх, ууланд алхах үед ард иргэд ялангуяа эцэг эх, асран хамгаалагчид бага насны хүүхдээ хачигт хазуулахаас урьдчилан сэргийлэхийг зөвлөж байна. Хачиг ихэвчлэн хүний нимгэн арьстай, чийглэг газар болох суга, цавь,  хөхний дор, чихний  ард, үсэн дотор байрлаж хаздаг аж. Хачгийн шүлсэнд байдаг мэдээ алдуулагч бодисын нөлөөгөөр хүн хазуулж байгаагаа төдийлөн мэдэрдэггүй гэнэ.

Тиймээс ой мод, өвс ихтэй бүс нутгаар ажиллаж, аялж байгаа тохиолдолд 3-4 цаг тутам биедээ хачиг байгаа эсэхийг шалгаж байхыг анхаарууллаа.