Монгол Улсын Засгийн газрын 2017 оны 112 дугаар тогтоолоор батлагдсан “Элэг бүтэн Монгол”, аймгийн Иргэдийн Төлөөлөгчдийн Хурлын тэргүүлэгчдийн тогтоолоор батлагдсан “ЭЛЭГ БҮТЭН ДОРНОГОВЬ“ дэд хөтөлбөрийг сурталчилах “НЭЭЛТТЭЙ ХААЛГАНЫ ӨДӨР“ боллоо. Энэ үеэр Эрүүл мэндийн яамнаас улсын төсвийн хөрөнгө оруулалтаар Замын-Үүд, Эрдэнэ, Мандах, Даланжаргалан сумдын Эрүүл мэндийн төвдүүдэд орон нутгийн бартаат зам туулах чадвар сайтай фургон автомашин өгчээ. Машиныг УИХ-ын гишүүн Б.Дэлгэрсайхан, Г.Мөнхцэцэг болон аймгийн удирдлагууд сумдын Эрүүл мэндийн төвийн төлөөллүүдэд гардуулан өгчээ.