Дорноговь аймгийн Засаг дарга Т.Энхтүвшин Даланжаргалан суманд үйл ажиллагаагаа явуулдаг "Чингисийн хар алт” компанийн захирал Б.Ариунболдтой нийгмийн хариуцлагын хүрээнд хамтран ажиллах гэрээнд  гарын үсэг зурлаа.

Гэрээнд эийгмийн хариуцлагын хүрээнд үйлдвэр уурхайн төслийн бүтээн байгуулалттай холбоотой дэд бүтцийг хөгжүүлэх, байгаль орчныг хамгаалах, ажлын байрыг нэмэгдүүлэх, орон нутгийн жижиг дунд бизнес эрхлэгчдийг дэмжих, соёлын өвийг хамгаалах үндсэн чиглэлийг баримтлан ажиллах тухай заасан аж.

Мөн тус компани нь Даланжаргалан суманд таван жилийн өмнө барилгын ажил эхлүүлээд орхигдсон байсан 140 хүний суудалтай спорт заалны барилгын ажлыг энэ ондоо багтаан дуусгаж, хүлээлгэн өгөхөөр болжээ.