Дорноговь аймгийн Засаг даргын Тамгын газар, аймгийн Эрүүл мэндийн газраас халдварт бус өвчнөөс урьдчилан сэргийлэх, эрүүл зан үйлийг төлөвшүүлэх, идэвхтэй дасгал хөдөлгөөний ач холбогдлыг олон нийтэд сурталчлах, хийн дасгалыг олон нийтэд түгээх дэлгэрүүлэх, дасгалаар хичээллэгчдийн тоог нэмэгдүүлэх зорилгоор “Хийн дасгал”-ийн аварга шалгаруулах тэмцээнийг жил бүр зохион байгуулдаг байна. Уламжлал болсон тус тэмцээн энэ сарын 26-нд болж, шилдгүүдээ тодруулжээ. Тэмцээнд тус аймгийн Айраг, Дэлгэрэх, Иххэт, Өргөн, Улаанбадрах, Хөвсгөл, Замын-Үүд, Сайншанд сумын 20 багийн 200 гаруй тамирчид оролцсон аж. Ингээд тэмцээний шагналт байрын мэдээллийг хүргэе.

51-ээс дээш насны ангилалд:

            1-р байрыг Иххэт сумын "Ахмадын золбоо" баг,

            2-р байрт Замын-Үүд сумын "Сэтгэлийн говь"баг,

            3-р байрт аймгийн Ахмадын баг,

            Тусгай байрт  Дэлгэрэх сумын "Батхолбоо" баг,

            "Шилдэг тамирчин"-аар Иххэт сумын ахмад настан Д.Сэрчмаа,

18-51 насны ангилалд:

            1-р байрт Дэлгэрэх сумын "Ариусахуй" баг,

            2-р байрт аймгийн Нэгдсэн эмнэлгийн "Энэрэхүй" баг,

            3-р байрт Уламжлалт Анагаах ухаан рашаан сувиллын "Арга билэг" баг,

            Тусгай байрт Иххэт сумын "Иххэтийн золбоо" баг,

            "Шилдэг тамирчин"-аар аймгийн Нэгдсэн эмнэлгийн сувилагч П.Нямгарав тус тус шалгарчээ.