Цагдаагийн машин онхолдож, улмаар нэг цагдаа амиа алдсан харамсалтай хэрэг гарсан байна. Уг хэрэг өчигдөр Сонгинохайрхан дүүрэгийн 26 дугаар хорооны баруун талд Нарангийн энгэрийн замд болсон аж.

 Тодруулбал, тус дүүргийн Цагдаагийн I хэлтсийн ахмад н.Өлзийтөгс, ахлагч н.Ганзориг нар нь приус маркийн машинтай замын хөдөлгөөнд оролцож яваад, бонго маркийн машинтай мөргөлдөж, ноцтой осол гарчээ. Улмаар 43 настай ахмад н.Өлзийтөгс газар дээрээ амиа  алдсан байна.

Одоогийн байдлаар ахлагч н.Ганзориг ГССҮТ-д хэвтэн эмчлүүлж байгаа гэнэ. Тэрбээр маш хүнд бэртэлтэйгээр ГССҮТ-д хүргэгдэн иржээ. Тус хэрэгт Эрүүгийн хэрэг үүсгэн шалгаж эхэлсэн байна.