Замын цагдаагийн албанаас согтууруулах ундааны зүйл хэрэглэсэн үедээ тээврийн хэрэгсэл жолоодохгүй байхыг санууллаа. Учир нь зам тээврийн ослын ихэнх шалтгаан нь согтуугаар тээврийн хэрэгсэл жолоодсоноос болдог байна. Мөн нийслэлийн хэмжээнд өдөр бүр 40-50 жолооч согтуугаар тээврийн хэрэгсэл жолооддог талаар Замын цагдаагийн албанаас мэдээллээ.

 Өчигдөр гэхэд тус албанаас гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 51 жолоочийг илрүүлэн саатуулж ажилласан аж. Тиймээс Замын цагдаагийн албанаас жолооч нарт үүрээ ухамсарлан согтуугаар тээврийн хэрэгсэл жолоодож, өөрийгөө болон бусдыг эрсдэлд оруулахгүй байхыг зөвлөж байна.