Нийслэл дэх  гэмт хэргийн гаралтыг бууруулах зорилгоор “Аюулгүй хот” төслийн хүрээнд нийслэлийн цагдаагийн газраас “Телекамер” дэд хөтөлбөр хэрэгжүүлж байгаа билээ. Тус хөтөлбөрийн хүрээнд Баянзүрх дүүргийн 14,Сүхбаатар дүүргийн 8, Сонгинохайрхан дүүргийн 22 дугаар хороонд 51 цэгт 86 камер суурилуулсан байна.

Тэгвэл “Телекамер” дэд хөтөлбөр амжилттай хэрэгжиж эхэлжээ. Тодруулбал, камерын тусламжтайгаар 84 зөрчил, 28 гэмт хэргийг илрүүлсэн гэнэ. “Камерийн хяналтын төв”-ийн телекамерийн жижүүрийн цагдаа нар энэ оны эхний дөрвөн сард 29 гэмт хэргийг үйлдэл дээр нь, 119 гэмт хэргийг камерийн бичлэгээр илрүүлж холбогдох албан тушаалтанд нь шилжүүлсэн талаар холбогдох мэргэжилтнүүд мэдээллээ.

Мөн иргэд аж ахуйн нэгжийн дунд “Камержуулалт” болзолт уралдаан зарласан байна. Нийслэлийн Засаг даргын Тамгын газар, Нийслэлийн гэмт хэргээс урьдчилан сэргийлэх ажлыг зохицуулах зөвлөл хамтран зарласан энэхүү уралдаанд иргэд аж ахуйн нэгжүүд идэвхтэй оролцож байгаа аж.