Нийслэлийн Засаг даргын захирамжийн дагуу нийслэлд үйл ажиллагаа явуулж буй 22 зусланд хяналт, шалгалт хийсэн байна.
Тус шалгалтыг нийслэлийн Засаг даргын Тамгын газар ажлын хэсгийг ахлан нийслэлийн Онцгой байдлын газар галын аюулгүй байдал, Эрүүл Мэндийн газар хүүхдийн зуслангийн эмнэлэг, эрүүл мэндийн байдал, Улаанбаатар хотын Цагдаагийн газар харуул хамгаалалт, хүүхдийн аюулгүй байдалд шалгалт хийжээ.

Харин Мэргэжлийн хяналтын газар Хүүхдийн зуслангийн эрүүл ахуй, халдвар хамгааллын нөхцөл байдал, барилга, эрчим хүч, хоол үйлдвэрлэл хүнсний стандартад, Хүүхэд, гэр бүлийн хөгжлийн газар хүүхдийн хөгжлийн хөтөлбөрийг шалган үнэлж, Монгол Улсын стандартын хэрэгжилтэд хяналт тавин ажилласан аж.

Шалгалтад хамрагдсан 22 зуслангаас Нарс, Нарлаг, Жавхлант, Ундраа, Галакси, Сансар, Янзага, Маргаашийн хөгжил, Өгөөмөр, Тэмүүлэл, Цагаан нуга, Мөрөөдөл, Цоглог, Чухаг, Хайрын билэг, Од, Шонхор, Хараацай, Найрамдал гэсэн 19 хүүхдийн зуслан сургалтын зориулалтаар үйл ажиллагаа явуулахаар болсон байна. Мөн эдгээр зусланд “School police” ажиллах аж.