ОХУ-ын Якут улсын Якутск хотод эхлэсэн олон улсын ҮI дахь удаагийн “Дети Азии” спортын наадмын чөлөөт бөхийн тэмцээн спортын бэлтгэлийн “Триумф” ордонд үргэлжилж,  өнөөдөр хөвгүүдийн 38, 50, 63, 85 кг, охидын 34, 44, 57 кг-ын жингүүдийн барилдаан боллоо.

Тэгвэл охидын 44 кг-ын жинд Б.Эрдэнэсувд алт, 57 кг-ын жинд Н.Анударь мөнгө, 34 кг-ын жинд Г.Оюундарь хүрэл медаль хүртжээ.

Харин хөвгүүдийн 50 кг-ын жинд О.Сүлдхүү нэгдүгээр тойрогт якутын бөх Нюргун Макаровыг 3:2 онооны харьцаагаар ялж 85 кг-ын жинд Н.Чинзориг нэгдүгээр тойрогт Николай Борисовт цэвэр ялагджээ.

Маргааш хөвгүүдийн 42, 54, 69 кг, охидын 37, 48, 62, 67 кг-ын жингүүдийн барилдаан болно.