Дэлхийн хэвлэлийн шилдэг гэрэл зураг шалгаруулах “World press photo-2017” тэмцээний “Байгаль орчин” төрөлд дэд байр эзэлсэн цуврал зургийн нэг нь энэ.

БНХАУ-ын Сычуан мужийн Бифеншиа хулсны баавгай үржүүлгийн газарт байгальд нь тавихад бэлэн болсон бяцхан пандаг сагсанд хийн жинлэж буй байдал ийн дүрслэгджээ.

Насанд хүрсэн пандагийн жин нь 100-135 кг-ын хооронд хэлбэлздэг байна. Харин бяцхан панда 8 кг жин татаж буй байдал зурагт дүрслэгджээ.

Хар цагаан өнгөтэй хулсны баавгайнууд БНХАУ-ын бэлгэдэл. Тэр ч үүднээс устаж үгүй болох дээрээ тулсан баавгайн төрлийг өсгөж үржүүлэхэд тус улсаас ихээхэн анхаарал тавьдаг аж. Нэг тоон баримт дурьдахад л, дэлхийн нийт зэрлэг хулсны баавгайн гуравны хоёр нь зөвхөн Сичуан мужийн хулсан ойд амьдардаг байна.

Ийн анхаарч ажилласны дүнд панда эдүгээ устаж үгүй болох эрсдэл бага болжээ. Энэ зургийн дэлхийн 75 гаруй орноор хэрэн хэсүүлчилж, бүтээлээ туурвисан “national Geographic” сэтгүүлийн гэрэл зурагчин Эми Витале авчээ.