“Ulaanbaatar book fair” буюу хаврын номын баяр Сүхбаатарын талбайд хоёр дахь өдрөө үргэлжилж байна.  Тус баярыг тохиолдуулан зохиолчид өөрийн гарын үсэгтэй номоо уншигчдад өгөхөөс гадна  хямдралтай үнээр ном худалдан авах боломжтой юм байна.

Мөн зохион байгуулагчдын зүгээс хүрэлцэн ирсэн хүн бүрт зориулж сонирхолтой үйл ажиллагааг бэлтгэжээ. Тухайлбал, Ч.Лодойдамба-100 дүрийн тоглолт, Хорвоогийн олон өнгө урлагийн тоглолт, Улаанбаатар чуулгын тоглолт, Явуулын номын сангийн үйлчилгээ, Хотын нийтийн номын сангуудын өдөрлөг зэрэг олон үйл ажиллагаа болох ажээ.  Тус наадам нь 21 дэх жилдээ зохион байгуулагдаж байгаа бөгөөд 18 улсын хүүхэд залуус оролцож, өөрийн орны соёлыг сурталчилж байгаа гэнэ. Дашрамд сонирхуулахад, хаврын номын баяр өнөөдрийн 16:00 цаг хүртэл үргэлжлэх юм байна.

Н.Батзаяа