Автотээврийн үндэсний төв 2017 оныг "Автотээврийн менежментийг сайжруулах жил” болгон зарласан билээ. Тэгвэл "Автотээврийн менежментийг сайжруулах жил” хэлэлцүүлэг боллоо.

Хэлэлцүүлэгт төрийн болон төрийн бус байгууллагын мэргэжилтнүүд оролцож, нийтийн тээврийн төлөвлөлт, зорчигч тээшний үйлчилгээ болон байгууллага хоорондын уялдаа холбоо, цаашдын хамтын ажиллагааны талаар санал солилцжээ.

Хэлэлцүүлгийн үеэр өнгөрсөн жилд хийж хэрэгжүүлсэн ажил, цаашид хийх ажлын талаар ярилцлаа. Тухайлбал,  хот хоорондын нийтийн зорчигч тээврийн үйлчилгээ өмнөх оны мөн үеэс 23.5 хувиар өссөн байна. Мөн 2017 оны нэгдүгээр улирлын байдлаар 15058 рейсээр 527.7 мянган зорчигч тээвэрлэсэн аж. Одоогийн байдлаар 51 аж ахуй нэгж, байгууллага 71 чиглэлд 904 тээврийн хэрэгсэл, 1154 мэргэшсэн жолоочтойгоор тээвэрлэлт гүйцэтгэж байгаа юм байна.

Мэдээллийн санд хамрагдсан тээврийн хэрэгслүүдийг төрлөөр нь ангилахад 45 хүний суудалтай том оврын автобус 660, 24-36 хүний суудалтай дунд оврын автобус 96, бага оврын автобус 19, суудлын автомашин 229 байгаа талаар хэлэлцүүлгийн үеэр танилцууллаа.