Сүхбаатар дүүргийн Баруун дөрвөн зам орчимд байрлах “Талст” дэлгүүрийн замын эсрэг талд өчигдөр “Приус 20” маркийн автомашин шатсан хэрэг гарсан билээ.

Азаар машин дотор хүн байгаагүй юм. Тэгвэл машин нь шатсан залууд “Приус эзэмшигчдийн нэгдсэн групп”  фэйсбүүкийн цахим хуудасны гишүүд туслах гэнэ. Тэд групп хуудсандаа хандивын аянг өрнүүлж эхэлжээ.  Энэхүү групп нь нийт 100 гаруй мянган гишүүнтэй бөгөөд хүн бүр 1000 төгрөгийн хандив өргөхөөр болсон байна. Хандивын аяны хүрээнд цугларсан мөнгөөр автомашин нь шатсан залууд шинэхэн машин авч өгөхөөр болжээ. Одоогийн байдлаар тэд гишүүн бүр 1000 төгрөг хандивлавал 11 сая төгрөг цугларах боломжтой хэмээн тооцоолоод байгаа юм байна.