Өнөөдөр МҮЭХ-ныхон Сүхбаатарын талбайд тайван жагсаал зохион байгуулахаар болсон билээ. 12:00 цагт эхлэх энэхүү жагсаалд олон хүн оролцох магадлалтай байна. Тэгвэл мөн 12:00 цагаас хараагүй иргэд ч бас суулт хийхээр болжээ.

Тодруулбал, Монголын Хараагүйчүүдийн үндэсний холбооноос өнгөрөгч  сарын 24-ний өдөр төрийн гурван өндөрлөгт хандан хараагүй хүүхдийн сурч боловсрох эрхтэй холбоотой шаардлага хүргүүлсэн аж. Энэхүү шаардлагын хариуг өнөөдөр өгөх ёстой байсан ч үл тоомсорлосон байна. 

Тиймээс  Монголын хараагүйчүүдийн холбооноос өлсгөлөн зарлахаар болжээ.  Өнөөдөр 12:00 цагаас эхлэн хараагүй иргэдийн төлөөллүүд Төрийн ордны баруун талд байрлах “Хэлмэгдэгсдийн хөшөө”-ний дэргэд суулт хийх юм байна.