Ерөнхий боловсролын сургуулийн нэгдүгээр ангийн элсэлтийн бүртгэл өнөөдрөөс эхэлж байгаа билээ. Нийслэлийн боловсролын газраас мэдээлж буйгаар  бүртгэл тавдугаар сарын 15-ныг хүртэл үргэлжлэх аж. 

Эцэг,  эх болон асран хамгаалагч нь хүүхдийн хамт ирж бүртгүүлэх бөгөөд эцэг эхийн иргэний үнэмлэх нь таны хүүхэд бүртгүүлэх сургуулийнхаа хамран сургах тойрогт багтсан эсэхийг гэрчлэх аж.  Хамран сургах тойргийн хүүхдийг ямар нэг элсэлтийн шалгалтгүйгээр бүртгэж, элсүүлэх бөгөөд  элсэгчдээс бүртгэлийн хураамж болон  бусад төлбөр авахгүй юм байна.

Элсэгчдийн бүрдүүлэх материал:

-Төрсний гэрчилгээний эх хувь болон хуулбар

-Эцэг эх болон асран хамгаалагчийн цахим үнэмлэхний  эх хувь болон хуулбар

-3х4 хэмжээтэй 1 хувь чээж зураг

-Шаардлагатай тохиолдолд  үл хөдлөх эд хөрөнгийн гэрчилгээ болон лавлагааг үзнэ.