НИТХ-ын долоо дахь удаагийн сонгуулийн анхдугаар хуралдаан өнөөдөр болж, НИТХ-ын тэргүүлэгчид болон даргыг сонгосон юм. Мөн Нийслэлийн Засаг дарга бөгөөд Улаанбаатар хотын Захирагчид Сундуйн Батболдыг нэр дэвшүүлж, хотын даргаар батламжиллаа.

Түүнчлэн Хотын даргаар сонгогдсон Су.Батболдын нэрийг Ерөнхий сайдад өргөн барьж, батлуулахаар боллоо.

Дашрамд дурьдахад, Хотын дарга асан Э.Бат-Үүл ажлаа Дүнжингарав дахь Нийслэлийн үйлчилгээний нэгдсэн төв дээр хүлээлгэж өгнө гэдгээ хэлсэн юм. Түүнчлэн 100 гаруй тэрбум төгрөгийн төсвийн үлдэгдэлтэй хотыг хүлээлгэж өгч байгаагаа ч дуулгасан билээ.