Хан-Уул дүүргийн нутаг дэвсгэрт байрлах, Айдсын давааны орчим баригдсан Амгалан хотхонд их хэмжээний гал гарсан шуурхай мэдээ ирлээ. Уг хотхон нь Буянт-Ухаа-2 хорооллоос Өлзийт явах замд байрладаг бөгөөд Канад модон хауснуудаас бүрдсэн хотхон билээ.

Эх сурвалжийн өгч буй мэдээллээр гал маш хурдан хугацаанд тархаж хоёр айл бүрэн шатаад байгаа аж. Онцгой байдлын албаныхан дуудлага авсан даруйдаа гал гарсан газар очсон бөгөөд гал унтраах гурван анги бүрэн бүрэлдэхүүнээрээ ажиллаж байгаа аж.

Тэгвэл дөнгөж сая авсан мэдээллээр Цагдаагийн байгууллагын эх сурвалж хүний амь нас эрсдээгүй хэмээлээ. Мөн галын шалтгааныг тодруулахаар ажиллаж байгаа бөгөөд галын тархалтыг бүрэн зогсоожээ. Мөн гал гарсан газар цагдаагийн байгууллага ч бүрэн бүрэлдэхүүнээрээ ажиллаж байгаа юм байна.